Friday, June 22, 2007

Ang Alamat ng Binangonan



Ang bayan ng Binangonan ay nasa dakong silangan ng Laguna de Bay. Ang dagat na ito ay nasa pagitan ng lalawigan ng Rizal at ng Laguna.

Noong araw, ang mga nakatira sa bayan ng Binangonan ay magkakamag-anak. Sila ay may ugaling madasalin. Nagdadamayan rin sila sa oras ng kalungkutan at kahirapan.

Lahat ng ito ay nawalang saysay dahil sa isang malakas na bagyo na dumating sa kanilang bayan.

Marami ang mga nasaktan at napinsala ang kabuhayan dahil sa bagyo. Marami rin ang ipinadpad doon nga malalaking alon. Isa na rito ang isang lalaki. Inakala nilang patay na ito at hindi na humihinga.

"Sa ayos ng suot niya ay hindi siya mangingisda. Tulungan natin siya," anang alkalde ng bayan.

Pinulsuhan ng isang albularyo ang lalaki. Minasahe niya ito at diniinan sa dibdib para mailabas ang mga nainom na tubig hanggang sa huminga na ito. Kumilos ang lalaki at nagpilit bumangon.

Mabilis na kumalat ang balita sa nayon at sa mga karatigpook tungkol sa bumangong patay.

Magmula noon, ang baybay-dagat ay tinawag na nilang binangunan ng patay.

Ayaw magsalita ng lalaki. Inakala tuloy ng lahat na pipi ito. Mabait at masipag naman ito kaya pinagkatiwalaan ng alkalde. Maging ang anak na dalaga ng alkalde ay napalapit din sa estranghero.

Bina ang pangalan ng anak ng alkalde. Si Bina ang nakatuklas na nakapagsasalita ang binata. Agustin ang pangalan nito at pinag-aaral ng isang pari sa Maynila. Lumayas siya dahil napagbintangan ng pagnanakaw. Sa Pateros siya nanunuluyan.

"Namangka ako para pawiin ang aking sama ng loob. Noon lang ako namangkang mag-isa. Inabutan ako ng malakas na hangin. Inanod ako sa malayo nang lumaki ang mga laon. Lumubog ang bangkang sinasakyan ko. Pinilit kong kumapit pero nawalan ako ng malay," malungkot na salaysay ni Agustin.

"Kawawa ka na naman," ang nahahabag na sambit ni Bina.

Dahil sa pagkakalapit ay nagkaibigan ang dalawa.

Isang gabi ay nagpasya silang magtanan. Sa kabi-lugan ng buwan ay dahan-dahan silang nanaog at nagtungo sa tabing dagat. Sakasamaang palad ay nakasalubong nila ang alkalde na nagpapahangin sa may dalampasigan.

Nahulaan ng alkalde na magtatanan ang dalawa. Sa galit ay naging marahas ito sa binata hanggang mapatay ito.

Nabigla rin ang alkalde sa bilis ng pangyayari. Tumakas ito at iniwan ang anak na umiiyak habang kalong si Agustin. Sa sama ng loob ay nagdilim ang isip ni Bina. Nagpakamatay siya sa tabi ng lalaking minamahal.

Kinabukasan ay natagpuan ng mga tagaroon ang dalawang bangkay sa mismong lugar na binangunan noon ni Agustin. Doon na rin nila inilibing ang dalawa. Magmula noon, ang pook na iyon ay tinawag na Binangonan.

9 comments:

Anonymous said...

pwedeng itranslate nyo po sa english ung mga alamat

Anonymous said...

do you know the legend of taytay, rizal?
i need it on school, but i don't know it's legend, can you help me?


please..

Anonymous said...

ang legend po ng taytay ay isang lalaking nag mamadali dahil sya ay taing-tae na kaya nia nabanggit ang taytay dahil sa kanyang pagmamadali

Anonymous said...

alam nyo po bah ang alamat ng cebu, city?

misia sofia nicole said...

grabe kabisadoh!! ko na pra s "buwan ng wika"

Nicole said...

i do need too... Ang alamat ng Taytay
assignment ko po kasi yun eh.. please?
need asap! >.<

Nicole said...

I need the whole story... >.< please?

jhonnievie arabit said...

nagakunarin ang assignment ko :D xD

jhonnievie arabit said...

hehehe nagawakorin agn assignment ko ang hirap mag sulat ang haba :D XD

Post a Comment